歌词来源专辑：华语男歌手 / 黄伟文 / 十年选 妇女新知
作词：黄伟文　作曲：蔡一智　编曲：ChInese(For DoUble C MUsIc GroUp)
1234
我係一個發育健全嘅女人
需要各種營養嘅平衡
男人　新衫　現金加約會
零食　珠寶　護膚品
運動　工作　交友再旅行
購物　娛樂　見男人
SORRY　SORRY　我係咪數咗兩次「男人」？
雖然係咁　愛情我都未算好著緊
(我吃　我戀上熱量)

今日我嚟教大家整甜品
首先用滾水沖開EXpresso粉
再擺啲LadY FIngers（饼乾）落去　浸到「林」
另一方面　將啲蛋白攪一陣
起泡就加啲KalUa再攪勻
最後兩樣倒埋一齊整到一層層
恭喜你　咁就完成咗個TIramIsU
一個世界馳名嘅意大利甜品

你係一個發育健全嘅女人
所以呢個時候你有嘢想問
無端端　整甜品　係咪手痕
抑或教你兩招等你氹情人
SORRY　SORRY　各位等等
女人最好嘅嘢唔係一定要同男人分
整個甜品　錫吓自己當獎品
邊個話愛嚟留住佢個心
(我買　我擁有力量　讓心願能償)

有時返到屋企都覺得有啲暈
因為買到成屋雜物無「訂」躉
於是惟有出街shoppIng散散心

(這就是我們購物狂的命運)

你問我做乜買咗六條一樣嘅裙
你當我無用腦　其實我都有諗
漆皮真絲　橫紋直紋　長裙短裙迷你裙
綁帶拖鞋　平底高跟　唇膏胭脂乾濕粉
翻炒　再翻炒　再翻炒　係我哋　嘅一生
只得舖頭永遠　有新到貨品
小學都有教　人類係一個社群
要相親相愛　咁先至夠高等
既然平時唔准獨斷獨行
唯一呢個時候　我覺得唔駛靠人
唯一呢個時候　我可以全權負責任
唯一呢個時候　我真正憑良心
(我吃　我戀上熱量　幸福又平常
誰又說　沒理想
我買　我擁有力量 .............)

(唔該 eXcUse me 可唔可以攞嗰件大褸俾我睇吓
SORRY　唔係呢件呀　係隔籬有士多啤梨同CREAM係上面嗰件 thank YoU
唔係呢件呀　係隔籬有士多啤梨同CREAM係上面嗰件　唔該 ...........)

我係一個發育健全嘅女人
有乜傷心　自己識得做醫生
以前有事只係可以唸經文
而家仲有3個字：食．買．瞓
買得多咗最多忍一陣
食得多咗去GYM修吓身
只係擔心瞓得太多有空虛感
忽然好想身邊有個人
(我吃　我戀上熱量　幸福又平常
誰又說沒理想
我買　我擁有力量　讓心願能償
付賬單令我舒暢)

我係一個發育健全嘅女人
不過有時失驚無神發忟憎
以下呢句　你當我鬼拍後尾枕
我有時會諗：係咪真係要返個男人？
男人 ...... 唉 ~ (嘆氣) 唉 ~